મોહનથાળ બનાવવાની રીત - Mohanthal Recipe In Gujarati

સામગ્રી : 

» ૨ કપ ચણાનો લોટ

» ૩ મોટી ચમચી ઓગાળેલું ઘી 

» ૬ મોટી ચમચી દુધ

» ૧ કપ ઓગાળેલું ઘી 

» ૧ ૧/૪ કપ સાકર

» ૨ મોટી ચમચી દુધ

 » ૧ મોટી ચમચી ગુલાબજળ

» ૧/૪ મોટી ચમચી ઈલાયચીનો પાઉડર

» ૧/૪ મોટી ચમચી કેસર 

» ૧/૨ મોટી ચમચી તેલ, ગ્રીસિંગ માટે 

» ૧ મોટી ચમચી પિસ્તાંની કતરણ, છંટકાવ માટે 

» ૧ મોટી ચમચી બદામની કતરણ, છાંટવા માટે

રીત : 

» મોહનથાળ બનાવવા માટે એક બાઉલમાં કેસર અને ૧/૨ મોટી ચમચી ગરમ પાણી ભેગું કરો, સારી રીતે મિક્સ કરો અને બાજુ પર રાખો. 

» એક ઊંડા બાઉલમાં બેસન, ૩ મોટી ચમચી ઓગાળેલું ઘી તથા ૩ મોટી ચમચી દુધ ભેગું કરો અને તમારી આંગળીનાં ટેરવાં વડે જ્યાં સુધી કોઈ ગઠ્ઠો ન રહે ત્યાં સુધી સારી રીતે મિક્સ કરો. 

» મિશ્રણને સરખું કરવા માટે તેને હળવા હાથે દબાવો. ઢાંકણ વડે ઢાંકીને ૩૦ મિનિટ માટે બાજુ પર રાખો. 

» ગઠ્ઠાને તમારી આંગળીનાં ટેરવાં થી હળવા હાથે તોડી મોટાં છિદ્રોવાળી ચાળણીનો ઉપયોગ કરીને ચાળી લો. 

» પિત્તળના વાસણમાં ઘીને ઊંચા તાપ પર ૧ મિનિટ સુધી ગરમ કરો. 

» તેમાં ચાળેલા ચણાના લોટનું મિશ્રણ ઉમેરી સારી રીતે મિક્સ કરી મધ્યમ તાપ પર ૫ાંચ મિનિટ સુધી અથવા મિશ્રણ બ્રાઉન રગનું થાય ત્યાં સુધી સતત હલાવતા રહી રાંધો. 

» ત્યાર પછી ગેસ પરથી ઉતારી લો અને ૧૫ મિનિટ માટે ઠંડુ થવા દો. 

» દરમિયાન, એક ઊંડા નૉન-સ્ટિક પૅનમાં સાકર અને ૧ કપ

પાણી ઉમેરી, મિક્સ કરી, સતત હલાવતા રહીને ૨ મિનિટ સુધી ધીમા તાપે પકાવો.

» તાપને એકદમ ધીમો કરો, જ્યારે તે ઉકળે ત્યારે તેમાં ૨ મોટી ચમચી દુધ ઉમેરો, મિક્સ કરો અને પછી મધ્યમ તાપ પર ૩થી ૪ મિનિટ સુધી હલાવતા રહી રાંધી લો. સાકરના મિશ્રણ પર તરે છે તે કચરો દુર કરો અને કાઢી નાખો.

» ગેસના તાપને ધીમો કરો અને ૭ મિનિટ સુધી રાંધો અથવા

જ્યાં સુધી ચાસણી ૧.૫ થ્રેડ સુસંગતતાની ન થાય ત્યાં સુધી

વચ્ચે-વચ્ચે હલાવતા રહો. 

» ગુલાબજળ ઉમેરો અને મિક્સ કરો

» ઈલાયચીનો પાઉડર, કેસર-પાણીનું મિશ્રણ અને તૈયાર કરેલી સાકરની ચાસણીને ઠંડા કરેલા ચણાના લોટના મિશ્રણમાં ઉમેરીને બરાબર મિક્સ કરો અને જ્યાં સુધી મિશ્રણ ઠંડુ ન થાય ત્યાં સુધી હલાવતા રહો.

» બાકીનું ૩ મોટી ચમચી દુધ ઉમેરો અને સારી રીતે મિક્સ કરો. » 200 મિમી. વ્યાસની થાળીને તેલ વડે ગ્રીસ કરો. તેમાં મિશ્રણ રેડો અને સપાટ તવેથાનો ઉપયોગ કરીને સરખી રીતે ફેલાવો. 

» મોહનથાળ પર પિસ્તાં અને બદામની કતરણ સરખી રીતે છાંટો અને હળવા હાથે થપથપાવો. 

» તેને ૧થી ૨ કલાક માટે સંપૂર્ણપણે ઠંડુંથવા માટે બાજુ પર રાખો. 

» મોહનથાળને સમાન કદના ટુકડાઓમાં કાપીને પીરસો અથવા

એરટાઈટ કન્ટેનરમાં સ્ટોર કરો.